Confidi Friuli al vierç un sportel a Lignan

Confidi Friuli al disbarcje a Lignan cuntun sportel dedicât. Tacant dai 12 di Mai simpri di joibe, un incargât de societât al sarà presint intai uficis dal mandament locâl de Confcommercio, in viâl Europe 40 (0431/71594). Il gnûf servizi al sarà disponibil une volte ae setemane des 8.30 aes 12.30. Oportunitât impuartante, a sotlinein Confcommercio e Confidi Friuli, par furnî aes impresis dal teritori ogni informazion buine intal setôr dal acès al credit. Adg