E je stade firmade dal president di Trieste Airport Antonio Marano e dal president di Confartigianato-Imprese Fvg, Graziano Tilatti, une convenzion par une promozion simpri plui zovevule dai colegaments aeris regjonâi al servizi des impresis dal teritori.
La convenzion anuâl e fisse la plene colaborazion par cooperâ pal disvilup socioeconomic dal Friûl-Vignesie Julie e par garantî cundizions zovevulis di mobilitât al sisteme des impresis regjonâls.
Trieste Airport al furnirà ai socis di Confartigianato-Imprese FVG agjevolazions sui servizis aeroportuâi tant che parcs pai veicui e altris facilitazions pai propris viaçs in partence dal aeropuart. Confartigianato si impegnarà a comunicâ ai propris associâts inzornaments su lis novitâts proponudis dal aeropuart, consolidant cussì une rêt di comunicazion pronte e inzornade pe ufierte dal traspuart aeri in Friûl-Vignesie Julie. (A.D.G.) – 21.04.2023
