A son stâts une vore bogns i risultâts tal 2024 cuant che si fevele di mutuis par comprâ o fâ sù cjase in classe energjetiche A o plui alte: a son stâts plui di 200 i mutuis suntun totâl di 9.900 chei fats di CrediFriuli a pro di cjasis che no consumin.
Il 2024 al è stât par CrediFriuli un an straordenari ancje par chei altris mutuis pe cjase: in graciis dal tai dal tas decidût de Bce, il totâl dai bêçs dâts fûr al è stât une vore plui alt dal an prime cuntune cressite dal 45% par 129 milions in dut. Ancje l’impuart medi par un mutui al è lât sù rivant a 143 mil euros cuintri dai 119 mil de medie regjonâl.
“Cu la riduzion dai tas – al à dit il diretôr gjenerâl de bancje furlane, Gilberto Noacco – o proviodn che tal 2025 a rivaran ancjemò plui domandis di mutui”. (a.d.g.) – 24.01.2025
