130
La Regjon e controlarà di dongje la situazion de Snaidero di Maian, ancje par cjatâ soluzions che a cjatin ducj dacuardi su cemût gjestî i lavoradôrs che a son di masse. Il font che al gjestìs la aziende furlane al à però di inietâ bêçs fasint la sô part.
Chest al è ce che al è saltât fûr de taule di confront su la situazion de Snaidero indulà che a jerin presints l’aministradôr delegât de aziende, i rapresentants sindicâi, chei di Confindustria e l’assessôr aes Ativitâts produtivis.
I lavoradôrs considerâts di masse a son 35 e i sindicâts a àn domandât ae Regjon un jutori. (a.d.g.) – 29.05.2024
