“In graciis de jevade dal soiâr Isee (indicadôr de situazion economiche ecuivalente), si slargje la platee dai beneficiaris. A son in potence 5.000 lis fameis in plui dal Friûl-Vignesie Julie che a podaran gjoldi des misuris previodudis de Cjarte famee e fra chês Dote famee e i contribûts pe previdence complementâr”.
Cussì l’assessôr regjonâl al Lavôr, Formazion, Istruzion e Famee dal Friûl-Vignesie Julie, Alessia Rosolen, dopo la aprovazion in vie preliminâr, de bande de Zonte regjonâl, de delibare su lis modificazions al regolament pe atuazion de Cjarte famee e de Dote famee che e vignarà cumò sometude al parê dal Consei des autonomiis locâls (Cal). Aprovadis inte sentade ancje lis variazions pal ricognossiment dal contribût pe previdence complementâr. (a.d.g.) – 12.01.2023
