La Regjon e darà i bêçs par fâ lis antenis de telefonie mobile sui terens di proprietât dai ents locâi e e judarà pe digjitalizazion dai teritoris plui in perifarie cun chê di sostignî il disvilup turistic e par dâ la garanzie di cuviertidure aes rêts di socors. Lu à dit l’assessôr regjonâl al Patrimoni Sebastiano Callari dilunc de riunion intal municipi di Cividât cu la aministrazion comunâl e i rapresentants dai Comuns des vals e des areis di mont.
Al centri dal incuintri la necessitât dai teritoris di vê la cuviertidure de telefonie mobile e de fibre otiche, considerâts tant che fondamentâi pal disvilup des comunitâts.
Come ribatût dal assessôr, ae difusion dai sistemis di inovazion e digjitalizazion a son une vore leâts ducj i progjets di ripopolament de mont e di rinfuarciment de ufierte turistiche. (a.d.g.) – 08.05.2024
