Il ministri des Impresis e dal Made in Italy Adolfo Urso al à aprovât la firme di un acuardi di disvilup presentât des impresis Ferriere Nord di Osôf e Acciaierie di Verone, par un program di invistiment di 63 milions e mieç di euros dedicâts a progjets in Friûl-Vignesie Julie e Venit, cul obietîf di rafinâ lis prestazions ambientâls des fabrichis siderurgjichis des dôs societâts dal Grup Pittini, che al è il prin produtôr di açâi luncs laminâts a cjalt pe edilizie e la industrie mecaniche.
Il program al è fat di cinc progjets ambientâi e si disviluparà intai stabiliments di Osôf e di Verone; in chel furlan, in particolâr, l’acuardi al previôt di fâ su’ un sisteme che al permeti plui eficience energjetiche par puartâ l’açâl cjalt dal repart de açalarie a chel di laminazion e intervents par ridusi l’incuinament acustic. (a.d.g.) – 23.08.2024
