Decidude la riduzion de aghe che e va fûr dai poçs artesians

La Regjon e fasarà ridusi il flus de aghe in jessude dai poçs artesians. Cheste la prime decision de taule tecniche pe scjarsetât di aghe inmaneade de Regjon Friûl Vignesie Julie. L’obietîf, al à sclarît l’assessôr regjonâl pal Ambient Fabio Scoccimarro, al è dut câs di no penalizâ i citadins.
Ridusi il flus dai poçs artesians al permetarà di sparagnâ aghe. Ae taule tecniche volude de Regjon a partecipin Arpa, i gjestôrs dal servizi idric, une rapresentance dai Comuns (Basse furlane, Pordenonês e dal Lusinç), la Protezion civîl, la Universitât di Triest, l’Ordin dai gjeolics e lis associazions ambientalistis. (A.D.G.) – 15.07.2022