Di sabide ai 6 di Lui a tachin lis licuidazions

“Mai come cheste volte, lis licuidazions a saran la salvece par un setôr, chel de mode, in dificoltât intai ultins timps”. Lu à dit il president regjonâl e provinciâl di Udin de Confcommercio Federmoda, Alessandro Tollon, par comentâ il tacâ de stagjon des venditis cul scont che a tacaran di sabide ai 6 di Lui.

“Ancje par vie dal brut timp – al à visât Tollon – lis buteghis di vistîts, scarpis e acessoris a àn fat fadie a vendi la robe pe Vierte e par l’Istât e cumò a fidin su la ocasion des licuidazions”. (a.d.g.) – 03.07.2024