A saran doi i milions di euros di invistiments par miorâ lis infrastruturis pe telefonie mobile e la conession a bande largje. Si va dai tors a altris supuarts, ancje digjitâi, par garantî lis areis periferichis – tra chês lis vals dal Nadison e de Tor. I lavôrs a son spietâts ancje par evitâ la pussibilitât di disservizis tal câs di urgjence, par cause de salût o di altris esigjencis che no si puedin rimandâ.
La conferme che la Regjon e à tacât un percors di cressite digjitâl e infrastruturâl intes vals, par miorâ la capacitât di tirâ dongje dai turiscj e la sigurece dai residents, e je rivade vuê di matine dal assessôr regjonâl Sebastiano Callari dilunc dai lavôrs de VI Comission. (a.d.g.) – 30.01.2025