Despar_Aspiag Service, concessionarie des marchis Despar, Eurospar e Interspar pal Trivenit, la Emilie-Romagne e la Lombardie, intal 2022 al à fat un faturât complessîf di plui di 637 milions di euros, sedi pai esercizis direts che afiliâts, e in graciis dai 4 milions di euros di invistiments al è lât indevant intal so progjet di disvilup e potenziament teritoriâl de proprie rêt di vendite.
Il disvilup sui teritoris al à permetût di rivâ ae cifre di 2.092 dai colaboradôrs in regjon che cuasi il 90% al è a timp indeterminât.
Ancje pal esercizi passât – al è stât spleât vuê, ai 5 di Mai dal 2023 intune conference stampe a Udin – e à vût une rilevance particolâr la valorizazion dai prodots locâi e des filieris curtis traviers il progjet “Savôrs dal Teritori Despar” che e cjape sù in Friûl-Vignesie Julie 1.115 referencis a plan, che a vegnin di plui di 95 locâi produtôrs e che al testemonee la vicinance e la poie di Despar ae culture enogastronomiche e ae produzion agroalimentâr di cualitât presintis in regjon. (A.D.G.) – 05.05.2023
