Federconsumatori e domande misuris par judâ lis fameis

Rateizazion des boletis, bloc des sospensions di furnidure par intart, a benefici sedi des fameis che des microimpresis, misuris e fonts straordenaris par sostignî i utents plui in dificoltât. Al è il pachet di misuris che Federconsumatori al sometarà al Guvier e al Parlament par fâ front ai presits cjârs de energjie. Une emergjence che e stramonte ancje in Friûl Vignesie Julie, cuntun aument costant dal numar di fameis insolventis o a pericul di no solvibilitât, ancje par vie dai contrats malvolûts. A butâ l’alarme in regjon al è stât il president nazionâl de associazion MicheleCarrus, secont che «il bloc dai distacs nol bastarà par passâ cheste emergjence: ae fin dal an, ogni famee e paiarà un aument medi dai coscj di 2.600 euros”. (A.I.) – 13.10.2022