33
Al sarà un fin de setemane dificil e plen di trafic inte autostrade cul ultin grant esodi dal Istât, indulà che a tornaran in Italie miârs di lôr, soredut de Cravuazie. Ai 24 di Avost e sarà la zornade piês, chê cul bolin neri, cun plui o mancul 182 mil transits dilunc de rêt gjestide di Autostrade Alto Adriatico, soredut bande Vignesie.
I ponts cun plui problemis a saran la bariere di Triest Lisert, indulà che si spietin 26 mil ingrès, e i casei des localitâts di mâr. Il trafic al deventarà tant za tacant di vinars ai 23 a buinore e ancje tal dopomisdì e si proviodin lungjis codis pe jessude dai casei. (a.d.g.) – 22.08.2024
