Ae fin di Setembar il ripâr De Gasperi, un dai plui preseâts dai appassionâts de mont tal cûr des Dolomitis, al à sierât pe fin de stagjon. Chest an, magari cussì no, la stagjon e je stade ruvinade par vie dal slac dilunc de strade regjonâl 465 dal Cjanâl Pedarç, bande Lavardêt, dant une vore di discomut ai visitatôrs e limitant il numar di cui che al rivave al ripâr. Cun dut dai problemis no dome pe gjestion dal ripâr ma ancje pe comunitât locâl che e lavore cui turiscj, il personâl dal ripâr al à rivât dut câs a garantî acet e ospitalitât.
“La sigurece dai ospits – al à dit Pietro De Faccio, presidente del Cai di Tumieç, proprietari dal imobil – e je stade simpri al prin puest e, cun dut dal slac, il personâl al à rivât a tignî viert il ripâr”. (a.d.g.) – 03.10.2024
