Fiorella luri gnove coordenadore pe Cisl Alt Friûl

Cambi ae vuide de Cisl Alt Friûl: la gnove coordenadore teritoriâl e je Fiorella Luri, sindicaliste cun grande esperience che e ven de sanitât, al puest di Franco Colautti, di vuê a “timp plen” president dal Caf Cisl Fvj. Nomenade coordenadore feminis, Piera Di Lenardo.

E je une alternance intal segn de continuitât che e puarte cun se un mandât precîs: fâ zûc di scuadre condividint, cu lis istituzions, lis categoriis economichis, lis associazions e i subiets de comunitât presints intal teritori, i obietîfs de cressite economiche, culturâl e sociâl des personis che a vivin e a lavorin in mont. (ADG) – 8.11.2022