E je stade firmade a Tumieç la convenzion tra il grup Burgo e il Consorzio Boschi Carnici che al previôt la vendite di 1.500 toneladis di CO2 ecuivalents, disponibii in graciis dal otigniment de bande dal ent consortîl dal secont certificât dai servizis ecosistemics.
La firme e rive a un mês esat de prime vendite di credits di sostignibilitât di buinis pratichis di gjestion forestâl secont il standard PEFC su base volontarie al CAFC Spa. Il certificât ricognossût al Consorzi, che al à consintût dutis dôs lis convenzions, al è leât aes buinis pratichis silviculturâls leades aes ativitât di antifûc boschîf.
Cu la planificazion dai intervents che a previodin il tai fitosanitari a cjame des plantis di peç za sec par efiet dal bostric tipograf, il Consorzi al à metût in at azions impuartis in tiermins di prevenzion dai fûcs boschîfs. (A.D.G.) – 23.02.2023
