Friulia e à conclût une operazion impuartante intal setôr dai servizis di consulence a alt contignût di esperience e inovazion, un setôr in cressite fuarte che, di chi al 2030, al viodarà invistiments pâr a plui o mancul 1.000 miliarts di euros gracie ancje aes iniziativis leadis al Green Deal european.
La finanziarie regjonâl e à finalizât di fat un invistiment complessîf di 1,5 milions di euros in Sti Corporate Spa, midiant un aument di capitâl di 500 mil euros e un altri intervent di 1 milion di euros sot forme di finanziament. In paralêl, Friulia e judarà il grup ufrint la sô esperience cuntune rêt di 88 aziendis partecipadis (che pal 80% a son Pmi), che a realizin un faturât agregât pâr a plui o mancul 2,5 miliarts di euros impleant plui di 9 mil dipendents. (A.D.G.) – 01.03.2023
