Gnûf colegament aeri cu la Olande

Screât vuê di matine il gnûf colegament cul avion tra Roncjis di Monfalcon e la citât olandese di Rotterdam, che si cjate a 75 chilometris de capitâl Amsterdam.

A gjestî il colegament, che al previôt trê svoi par setemane, il martars, il vinars e la sabide, e je la compagnie Transavia, che e fâs part dal grup Air France.

Pe prime volte al è cussì aterât li dal Trieste Airport un avion Boeing di 189 puescj: “In graciis al inviament di chest gnûf colegament – al à visât Marco Consalvo, aministradôr delegât dal Trieste Airport – il nestri aeropuart al cres ancjemò e al da acet ae cuinte compagnie di linie, fat che al slargjarà il marcjât turistic e comerciâl di ducj i doi i teritoris”. (a.d.g.) – 01.04.2025