Gnûf colegament cul avion bande la Romanie

A son in vendite di vuê i biliets pe gnove rote Triest-Bucarest de Wizz Air.

Il colegament al sarà operatîf dai 29 di Otubar di chest an, intai dîs di martars e sabide, cu la rivade di Bucarest aes 2.55 dopomisdì e partence di Roncjis di Monfalcon aes 3.30 simpri dal dopomisdì.

I svoi a saran fats cun avions Airbus A321, che a àn 230 puescj. I biliets si puedin za comprâ su wizzair.com e su la app de compagnie (“WIZZ”) tacant di 39,99 euros par un viaç. (a.d.g.) – 11.07.2024