187
La Aministrazion comunâl di Udin e à aprovât inte riunion di martars il progjet di fatibilitât tecniche e economiche pal ampliament dal marcjât des pomis e des jerbis di Udin sud. La opare, che e sarà tirade su’ dentri dal 2026, e previôt une spese di pôc mancul di 7 milions e 300 mil euros. Di chescj, 6 milions a rivin de Regjon.
Cun chest progjet la Zonte De Toni e ponte a rinfuarcî tai agns che a vegnin la posizion di Udine Mercati intal cumierç regjonâl e consolidâ il rûl di Udin come citât dal agroalimentâr. (a.d.g.) – 22.03.2024
