I turiscj a presein une vore la nestre regjon

In Friûl Vignesie Julie, dilunc de Istât 2022, il tas di ocupazion des cjamaris intai albiercs al à passât chel medi talian. Il dât plui alt si previodeve intal mês di Avost 2022: l’81,2% des cjamaris in Fvj a risultavin prenotadis, cuintri une medie taliane dal 62%. Cheste Istât, cun di plui, une percentuâl une vore basse di impresis e regjistrave clientele in calâ a pet dal Istât 2021 (medie inferiôr al 5%).
Lu contin i risultâts di une investigazion, cun caratar previsionâl, fate a Jugn 2022 di Isnart, societât dal sisteme camerâl talian che al supuarte cun struments analitics e formazion lis istituzions e lis impresis dal compart turistic. (ADG) – 27.09.2022