I zovins e il mont dal lavôr

Il Teatri “Verdi” di Pordenon, simpri atent a cjalâ aes urgjencis dal nestri timp cun lengaçs no dome artistics, al ufrìs joibe ai 18 un gnûf apontament dal progjet “R-Evolution Lab”, un cicli di incuintris tematics su argoments socioeconomics di particolâr atualitât. Cu la colaborazion dal grup NEM-Nordest Multimedia, il Teatri pordenonês si fâs promotôr di un moment di riflession ogni mês par cure dal sociolic e sagjist Daniele Marini. Aes 6.30 dopomisdì, spazi al apontament dal titul “Lavorare stanca?”, dedicât ai zovins e aes gnovis culturis dal lavôr: une analisi dai gnûfs marcjâts e des gnovis esigjencis in rapuart aes gjenerazions zovinis. (A.I.) – 17.04.2024