Il ministri Pichetto Fratin al domande a Terna di studâ la centrâl a cjarbon di Monfalcon

Il ministri dal Ambient e de Sigurece energjetiche, Gilberto Pichetto Fratin, al à domandât a Terna di fermâ la produzion di energjie eletriche che e dopre vueli combustibil e de centrâl a cjarbon di Monfalcon, e di ridusi al minim la produzion di energjie di chês altris centrâls a cjarbon, mantignint invariade chê di biolicuids sostignibii e di biomassis solidis. La decision e je stade cjapade parcè che e je finide la emergjence su lis furniduris di gas, che e veve puartât al ûs di vueli combustibil e al aument dal ûs dal cjarbon pe produzion eletriche. (A.D.G.) – 05.07.23