Impuartant ordin dai Stâts Unîts pal Gruppo Danieli

De Americhe al Vecjo continent, passant par Egjit, Indie, Cine e Gjapon: la Danieli di Buri e fâs incete di ordins par implants ae insegne dal açâl vert. “Açaiariis – al spieghe il president dal Grup Gianpietro Benedetti – che a tradusin la sostignibilitât in azions concretis, cence limitâsi ai proclamis”. Tra lis comessis plui impuartantis e je chê de americane Cmc, che e conferme ancjemò une volte la fiducie a Danieli. Al è stât di fat siglât pôc prime di Nadâl l’ordin pal cuart implant Micromill Mida. La comesse e vâl in dut 380 milions di dolars, 150 di chei pes furniduris de bande de multinazionâl di Buri. (A.D.G.) – 28.12.2022