144
La Abs Acciaierie Bertoli Safau di Cjargnà (Grup Danieli) e cîr 50 lavoradôrs par supuartâ la operativitât e i plans di disvilup aziendâi. Par chest, ai 3 di Mai, in colaborazion cu la Regjon Friûl-Vignesie Julie, al è stât organizât un “dì dal ingai” che si fasarà intal implant de aziende a Cjargnà.
Fra lis figuris domandadis a son chês cun specializazion tecnologjiche, ma ancje operadôrs gjenerics.
Daûr dai dâts dal belanç 2021-2022, la Abs e à prodot 1,3 milions di toneladis di açâi luncs speciâi, la ecuivalente di 160 tors Eiffel, in plui di 50 Paîs dal mont, e e à regjistrât rigjâfs operatîfs par plui di 1,6 miliarts di euros. Lis candidaturis a varan di rivâ dentri dai 21 di Avrîl. (A.D.G.) – 28.03.2023
