La Breda Sistemi Industriali di Secuals, specializade in sistemis di portons dedicâts al setôr residenziâl e industriâl, e à acuisît Came GO di Spilimberc, societât dal Grup Came di Trevîs, che e opere ancje cheste intal setôr des sieradis par rimesse.
La transazion – e informe une note – e previôt l’inviament de operativitât tacant di îr cence interuzions di ativitât.
No saran variazions par ce che al tocje il numar dai dipendents: i organics des dôs aziendis a continuaran a lavorâ intai stes implants rispetîfs e la organizazion di vendite sul teritori nazionâl e forest a saran distintis. Al cambie invezit la insegne de societât acuiside, che si convertìs in GO Italia.
Par Breda Sistemis Industriâi, che la lôr sede si cjate in provincie di Pordenon a pôcs pas de neocostituide GO Italie, cheste acuisizion e rivistìs un rûl impuartant pe competitivitât sui marcjâts stant che – e displee la aziende – e permetarà strategjiis di integrazion di competencis produtivis e esecutivis, di otimizazion dai aspiets logjistics e di provision des materiis primis. Tal stes mût, slargjâ lis potenzialitâts e la presince sul marcjât al sarà un fatôr che al diferenzie pe fuarce vendite di ducj i doi i boi presints in maniere capilâr in Italie e tal forest. (a.d.g.) – 21.11.2023
