Une delegazion Fermerci, la associazion che e rapresente i operadôrs intal traspuart feroviari des marcjanziis in Italie, e à incuintrât l’assessôr aes Infrastruturis e al Teritori de Regjon Friûl-Vignesie Julie, Cristina Amirante. Al centri dal confront il progjet Fermerci “Cure dal fier regjonâl”, che al sosten il rilanç dal traspuart intermodâl des marcjanziis intal teritori, une oportunitât impuartante di disvilup pe economie locâl che e contribuìs a ridusi l’impat ambientâl dai traspuarts, promovint la competitivitât des impresis intal teritori e la ocupazion zovine.
Strategjiche pe atuazion dal pachet e je la introduzion di misuris regjonâls che a previodin la poie ae ultime vie feroviarie cun adeguament de infrastruture feroviarie al standard europeans, la introduzion o la stabilizazion dal incentîf ferrobonus, in zonte a chel nazionâl, e la introduzion di un contribût a poie de formazion dai zovins pe abilitazion aes professions dal esercizi feroviari. (a.d.g.) – 21.09.23
