O publichìn la letare di Camilla Benedetti e Giacomo Mareschi Danieli ai dipendents dal Gruppo Danieli dopo de muart dal president Gianpietro Benedetti.
“Cjârs coleghis,
al è cun grant aviliment e incredulitât che o scugnìn comunicâ la dolorose gnove de muart dal nestri president, inzegnîr Gianpietro Benedetti. La sô pierdite e lasse un vueit di no podê jemplâ.
Gianpietro Benedetti nol jere dome un grant cjâf, ma ancje un mestri par ducj noaltris.
Il so contribût straordenari, la sô vision coragjose e i soi valôrs eternis a àn plasmât lis ativitâts dal grup Danieli e lis nestris vitis.
Il mût miôr par onorâ la sô memorie al è lâ indenant cu la sô opare. La sô vision industriâl, il so impegn pal disvilup tecnologjic e la sô ricercje cence fin de inovazion a restaran simpri un fâr par noaltris.
Gianpietro Benedetti nus à insegnât che il sucès nol è misurât dome dai risultâts finanziaris, ma ancje de nestre capacitât di mantignî autentics i valôrs che a son la fonde che su chest si base ogni grant grup industriâl”. (a.d.g.) – 29.04.2024
