La industrie tra passât, presint e futûr

Confindustrie Udin e scree la Vetrine dal inzen inte restaurade Torate di Sante Marie. L’event, dal titul “La storie de industrie e cjate il so futûr”, al varà miercus ai 7 doi moments distints. Aes 11 di matine, inaugurazion e presentazion dal progjet cun intervents dal president di Confindustrie Udin Gianpietro Benedetti, dal vicepresident vicjari Piero Petrucco e di altris ospits. Dopomisdì, invezit, la Tor e vierzarà lis puartis al public. Dentri, al è un percors espositîf articolât in dôs sezions: une permanente e une temporanie. Une esperience apassionante, traviers une esposizion multimediâl, tra passât, presint e futûr de industrie dal teritori. (A.I.) – 06.12.2022