E je tornade pe otave volte, daspò de polse di un an, “Le radici del vino” a Rossêt di S. Zorç da la Richinvelde, dai 11 ai 13 di Otubar.
Passe 40 i events, tra chescj ancje la cunvigne su lis gnovis tindincis dai vins e il concors “Festival della Ribolla gialla”. Presints ae scree, di la’ dal senatôr Marco Dreosto, il president di Confcooperative Pordenone Fabio Dubolino e il sindic di S. Zorç da la Richinvelde Michele Leon, ancje l’assessôr regjonâl aes Risorsis agroalimentârs Stefano Zannier.
Propit Zannier al à visât che ”nol va dismenteât che cheste tiere e je chê che e vuide la produzion a nivel mondiâl dai risits e indulà che, in graciis de ricercje e de inovazion, al è stât creât un inest resistent aes malatiis che tal passât al stave metint in zenoli il setôr. Ricercje e cooperazion nus judaran ancje a fâ front ai problemis leâts ai cambiaments climatics, cjatant varietâts che a sedin buinis di adatâsi al stress climatic”. (a.d.g.) – 14.10.2024
