Dopo la flamade post Covid la economie dal Friûl-Vignesie Julie si è stabilizade. La prevision dal Pil pal 2024 e je di un plui 0,8%, pôc parsore de stime a nivel nazionâl, ma intant che a corin servizis e costruzions, a morestin industrie e cumierç. A son chescj i dâts plui impuartants saltâts fûr dal Osservatori de economie regjonâl, che al ten cont di une vore di indicadôrs, presentât vuê inte sede de Cjamare di cumierç.
“Lis preocupazions – al à dit il president Giovanni Da Pozzo – a son cetantis: i doi plui impuartants fûcs di vuere in Ucraine e intal Orient di Mieç, lis dificoltâts intal canâl di Suez, lis elezions che chest an a saran in tancj Paîs, la instabilitât di cualchi super potence come la Cine, il morestament consecuent de Gjermanie e che, come Italie e F-Vj in particolâr, a son plui esponûts su chel marcjât. Dut câs, la inflazion daspò dai pics dal 2022 e sta tornant su nivei plui naturâi e ancje se l’export al è morestât tra il 2022 e il 2023, al è ancje vêr che rispiet al 2019 o sin ancjemò in cressite, ancje se piçule”. (a.d.g.) – 04.04.2024
