Al è in câl dal 1,4% il numar dai piçui nassûts tal 2024 a pet dal an prime inte nestre regjon. La feconditât e je di 1,19, pôc parsore de medie taliane che e je di 1,18, ma e je in câl a pet dal 2022 e dal 2023, cuant che ogni femine e faseve in medie tal ordin 1,26 e 1,21 fruts.
Il dât al salte fûr dai indicadôrs demografics pandûts vuê dal Istat. Ai prin di Zenâr dal 2025 i residents te nestre regjon a jerin 1.194.000. Di chescj, plui o mancul 23.200 a son forescj. A pet dal an passât la popolazion si è sbassade dal 0,4%. La etât medie e je di 48,6 agns, intant che i gnûfs nassûts a son stâts 6.900 e i muarts 14.600.
Tal 2024 la sperance di vite e jere di 81,6 agns, in cressite pai oms e di 86 agns pes feminis. In ducj i doi i câs a son numars plui alts de medie taliane che e je tal ordin di 81,4 e 85,5 agns. (a.d.g.) – 31.03.2025
