La manifature inte provincie di Udin e je in cressite tal secont trimestri dal 2024 a pet dai prins trê mês dal an. Se però si fâs il confront cul an passât, alore il dât al è ancjemò negatîf.
Al è ce che al salte fûr de investigazion fate dal ufici studis di Confindustria Udine suntun campion rapresentatîf di impresis sociis (pâr a plui o mancul doi tierçs dal totâl par numar di assegnâts).
Tal secont trimestri dal 2024 la produzion industriâl, simpri inte provincie di Udin, e je in cressite dal 1,3% a pet dal prin trimestri, ma e regjistre un câl dal 1,7% a pet dal stes periodi dal an passât.
Chest câl al è stât judât soredut dal fuart morestament des venditis in Italie (mancul 5,7%), une vore plui fuart di chel tal forest (mancul 3,2%). (a.d.g.) – 27.08.2024
