Metudis jù di Poste Italiane 23 colonutis par cjariâ lis autos eletrichis

A son finîts i lavôrs par meti jù 23 colonutis pe ricjarie des autos eletrichis par cure di Poste Italiane.

Tal Friûl Ocidentâl a son za ativis lis primis cinc colonutis dongje dai uficis postâi di Davian, di Lavorêt e di Fane.

In provincie di Udin e je ative pai citadins une colonute a Ruvigne e a saran inviadis altris cinc sul teritori. In provincie di Gurize a saran inviadis altris 6 colonutis. Cheste iniziative e je fate inte suaze dal progjet Polis – “Casa dei Servizi Digitali” di Poste Italiane che e ponte a permeti la coesion economiche, sociâl e teritoriâl tal Paîs. (a.d.g.) – 04.04.2025