A son stadis plui di 2.300 lis candidaturis regjistradis pal recruiting day (dì dal ingai) organizât vuê di Fincantieri in colaborazion cui Servizis pal lavôr de Regjon Friûl-Vignesie Julie (Direzion centrâl Lavôr, formazion, istruzion e famee) e il Comun di Monfalcon, la maiorance che di chês al rivuarde lis posizions viertis in Fincantieri e intes sôs controladis.
Il recruiting day e je une iniziative indreçade a fâ front ae grande cjame di lavôr tirade sù dal Grup cantieristic che, vie pal 2023, e domande l’inseriment di plui di 500 gnovis figuris professionâls di assumi in Friûl-Vignesie Julie.
Par permeti ai candidâts di sostignî al miôr i propris colocuis e aes aziendis di dedicâ a ogni profîl la juste atenzion, Regjon F-Vj, Comun e Fincantieri a fasaran duncje un altri sfuarç organizatîf par sigurâ un percors seletîf curât planificant une seconde zornade di incuintris, previodude ai 26 di Avrîl. Ciertis posizions a previodin ancje une selezion di lontan che si fasarà intai dîs che a vegnin, dopo l’inseriment in calendari dai apontaments on line. (A.D.G.) – 18.04.2023
