A son cinc lis ativitâts sospindudis par vê doprât lavoradôrs in neri e a son ancje multis dai 2.500 ai 7.600 euros. Al è il risultât dai controi fats dai Carabinîrs dal Ispetorât dal lavôr di Udin in cantîrs, esercizis publics e vivârs inte provincie di Udin.
In cuatri cantîrs controlâts dôs aziendis a dopravin lavoradôrs in neri cuntune percentuâl plui alte dal 10% e par lôr e je stade fate la sospension de ativitât cun multis di 2.500 euros ognidune.
Sospindûts ancje une scaletarie a Udin indulà che al jere un lavoradôr cence contrat sui trê in vore e ancje un ristorant indulà che al jere in neri un lavoradôr su doi.
L’ultin control al è stât fat intun vivâr (ativitât sospindude) indulà che a son stâts cjatâts altris doi lavoradôrs cence nissun contrat. (a.d.g.) – 04.03.2025
