La Cgil funzion publiche e dîs di “no” ae rinovazion dal contrat nazionâl pai dipendents dal Compart unic, ven a stâi chei di Comuns e Regjon, che al previôt un aument dal 6% de paie, plui o mancul 135 euros al mês. Il numar dai dipendents publics cjapâts dentri al è di 12.500 personis. Il sindacât al domande di fat che a sedin dopradis percentuâls come che in altris regjons indulà che i auments a son stâts dal 15%.
Il risi, pal sindacât, al è che la fuide dai municipis bande il privât o i uficis de Regjon e ledi indenant, un fat grivi se si pense che za cumò i Comuns a àn problemis pe mancjance di personâl. Par chest il sindicât al domande che al vegni doprât almancul un aument in linie cul indiç Ipca tal trieni di riferiment (presits tal consum pai Paîs de Union europeane), che al è dal 14,6% e che al permetarès di miorâ le paie di 190 euros al mês. (a.d.g.) – 03.03.2025
