105
Intal prin semestri dal 2023 il numar di ocupâts in Friûl-Vignesie Julie al jere di 519.400 unitâts, 7.500 in mancul rispiet al stes periodi dal an passât (-1,4%).
La riduzion rilevade e je leade ae fase di ralentament tendenziâl de ocupazion tacade inte ultime part dal 2022 (-0,5% intal tierç trimestri, -1,7% intal cuart), dopo une fuarte incressite regjistrade intal prin semestri. Lu fâs savê il ricercjadôr de Ires FVG Alessandro Russo che al à rielaborât dâts Istat. (a.d.g.) – 13.09.23
