Vuê di matine e je stade une zornade storiche par Puart di Noiâr, indulà che al è stât cjamât suntune nâf une grant implant fat de Danieli e che al sarà mandât al zigant american dal açâl Nucor. Cuasi 5 mil toneladis di pês e un volum di 8 mil metris cubis dividûts in plui di 600 tocs a rapresentin une operazion par da bon tra lis plui dificil mai fatis tal puart furlan.
L’implant mandât in Americhe – che al sarà metût in vore intal stabiliment che si cjate in West Virginia indulà che le Nucor e sta fasint un invistiment di 3,2 miliarts di dolars – al val 600 milions di euros – al è tra i plui modernis e al dopre la tecnologjie “Due” (Danieli Universal Endless), che al permet di produsi intun unic implant nastris di açâl cuntun spessôr variabil tra 1 e 24 milimetris.
La colaborazion tra le Danieli e la imprese americane e à za permetût di fâ su trê implants siderurgjics intai Stâts Unîts. La operazion par cjamâ dut e je stade studiade par cuasi un an cul coinvolziment dai tecnics de Danieli, de imprese Z&C Logistica, de societât Mid Sea di Udin dal Grup Midolini, di FvgStrade e des autoritâts portuâls di S. Zorç di Noiâr e Monfalcon. (a.d.g.) – 21.01.2025
