No stait a fâsi freâ di cui che us conte che o restarês cence lûs se no si passe al marcjât libar. Nol è vêr e, soredut, sielzi masse di corse ûs met a risi di paiâ cjare la bolete.
Su cemût evitâ tramais prime dal prin di Lui, cuant che al finirà il marcjât tutelât, lu à displeât la associazion Consumatori attivi li de sede de Comunità San Valentino a Pordenon. “I dâts mostrâts de Arera a lassin intindi che il marcjât tutelât al è ancjemò plui convenient di chel libar. Ve chi parcè che une vore di citadins a stan passant al marcjât tutelât prime che al sieri par dopo deventâ marcjât a tutelis graduâls, sot dal control dut câs de Arera – e à dit Barbara Puschiasis, presidente de associazion -. No stait duncje a fâsi meti pôre di chei che ûs clamin par dîus che se no fasês un gnûf contrat tal marcjât libar o restarês cence lûs. Nol è par nuie vêr. Il consumadôr al varà dut il timp che al ocor par fâ la sielte che al pense e sedi la miôr par lui”. (a.d.g.) – 03.05.2024
