Vuê di matine si è cjatade adun la assemblee dai socis di Autostrade Alto Adriatico pe aprovazion dal belanç di esercizi dal 2023. Dilunc dai lavôrs – il belanç al è stât aprovât e al siere cuntun util di 2.603.742 euros, puartâts ducj in risierve – al è stât nomenât il gnûf president, Marco Monaco, che al rive al puest di Gabriele Fava, che al veve dât lis dimissions tal Zenâr passât.
“La Regjon e augure bon lavôr al avocat Marco Monaco – e à dit l’assessôr regjonâl aes Financis Barbara Zilli – che di vuê al varà di vuidâ la societât cul obietîf di puartâ insom la vision de aministrazion regjonâl su cheste aziende di proprietât regjonâl. Adun cul president Massimiliano Fedriga, o ringracii il Consei di aministrazion pal lavôr fat dilunc di un an une vore complicât. Cheste e je la dimostrazion che la autonomie dai teritoris, cuant che e je metude in opare, e puarte vantaçs ancje pal intîr teritori talian”. (a.d.g.) – 12.07.2024
