Simpri plui feminis a lavorin, ancje in puescj di responsabilitât, ma se si fevele de buste paie alore e reste une diference fuarte a pet dai oms.
Il dât al è saltât fûr in ocasion dal insediament de gnove comission regjonâl des feminis dirigjentis di Confcooperative. Intal setôr cooperatîf, su la fonde di un studi fat de confederazion tra lis 508 cooperativis associadis, lis feminis a son passadis dal 52% dal totâl dai assegnâts intal 2016 al 59% di vuê.
A son invezit il 28% di lôr a cjâf di une cooperative, cuintri dal 24% di vot agns indaûr. Dut câs lis diferencis di gjenar a tegnin dûr parcè che cetantis feminis, plui dal dopli a pet dai oms, a doprin il part-time e, ancje par chest, lis lôr paiis a son di 14 euros sporcs par di’ plui bassis. (a.d.g.) – 18.11.2024
