Plui venditis tal forest tai prins trê mês dal an pal Friûl-Vignesie Julie

Tai prins trê mês dal 2024 il valôr des venditis tal forest des impresis de nestre regjon (4,9 miliarts di euros) e je lade in cressite, a pet dal stes periodi dal an passât (plui 9,1%, passe 400 milions di euros in plui).

A nivel talian la variazion, invezit, e je stade negative (mancul 2,8%). Intal Nordest dome il Trentin-Sudtirôl al à regjistrât une cressite (plui 3,9%), intant che Venit e Emilie-Romagne a son in câl dal 5,1% e dal 3%. Simpri tal prin trimestri e je stade une diminuzion dal valôr des importazions (mancul 6,1%). (a.d.g.) – 11.06.2024