“Il ralentament de ocupazion in Friûl-Vignesie Julie, che tantis parts sociâls a temevin, al è rivât magari cussì no. In particolâr inte industrie, che par chê e je za ative la taule regjonâl par controlâ il setôr. Al è dal sigûr positîf il dât su la basse disocupazion, ma chest al va analizât e aprofondît: o viodìn di fat che a son tancj contrats a tiermin e la ocupazion feminine e je sfavoride”. Lu sotlinee il segretari gjenerâl UIL dal Friûl-Vignesie Julie, Matteo Zorn, comentant i dâts dal prin semestri 2023 dal Osservatori sul marcjât dal lavôr F-Vj.
Calcolât il dât complessîf de ocupazion ancje dal pont di viste anagrafic, al continue Zorn, “al è invezit un invecjament progressîf de fuarce lavôr. Duncje sì, e je ocupazion e domande di fuarce lavôr, ma la fasse 15-34 agns e je tant inferiôr a chê cun plui di 50, e chest al rapresente une ipoteche grave su la ocupazion dai agns prossims”. Il lavôr di zovinis e di feminis a son lis criticitâts che a restin intal Friûl-Vignesie Julie, al osserve il segretari UIL, e su chestis a van implementadis lis politichis ocupazionâls. Leadis a chestis a son lis politichis par favorî la natalitât, “cence iludisi che l’efiet su la demografie al sarà miracolôs. Cualsisedi politiche pe natalitât, par cetant che e po jessi positive, in ogni câs e varà efiets concrets a pene che tra 25 agns”, al comente Zorn. (a.d.g.) – 20.09.23
