Pordenon e vai la sparizion di un grant imprenditôr

Al è muart îr di sere a Pordenon, a 94 agns, Armando Cimolai, fondadôr dal grup omonim, tra i plui impuartants intal mont pe progjetazion, furnidure e montaç di struturis complessis di açâl.

Intal 1949, insiemi ae femine Albina, al veve dât vite a un laboratori pe produzion di puartons e infìs metalics. Al à acompagnât la aziende intai passe 70 agns di storie, dal prin implant in viâl Vignesie a chei di Polcenic (1974), Lavorêt (1986) e, intal 1991, dal Centri Servizis a Sant Quarin. Intal 2003 si costruìs l’implant di Sant Zorç di Noiâr, su la spuinde de Ausse Cuar, dotât di banchine pal abordament des nâfs. Chi al scomence la produzion di canis di grande spessôr e, intal 2007, la costruzion di carenis par nâfs. (ADG) – 3.10.2022