Pordenon viers la plastiche a impat zero

Un titul che si presente tant che impegn, progjet e filosofie di vite, cun al centri l’om e l’ambient: “Verso la plastica a impatto zero”. A Pordenon joibe ai 22, intal spazi dal Marcjât cuviert di Campagna Amica di Coldiretti aes 8.30 di sere, inte suaze dal Blanc European Festival, si fevelarà di un mont miôr. Un mont là che la plastiche, ven a stâi “petroli stravistît di colôrs”, al vedi un impat diviers sul ambient a pet dal passât. L’ûs cussient di une sostance no ‘triste’ di par se al passe traviers la educazion e si met in vore a diviers nivei: il Comun di Pordenon, par esempli, al à puartât indenant une iniziative impuartante, introdusint intes scuelis elementârs e mediis lis buracjis par passâ il messaç “mancul plastiche, plui ambient”. (A.I.) – 21.09.2022