Poste Italiane e cîr in Friûl-Vignesie Julie laureâts che a vuelin tacâ un percors di formazion e cressite professionâl tant che consulents finanziaris.
I consulents finanziaris di Poste Italiane a son une rêt di professioniscj cun competencis tecnichis e comerciâls bogns di assisti il client intes sôs sieltis e ufrî il prodot plui just pes sôs esigjencis.
Al è pussibil inviâ la candidature (dentri dai 26 di Març) midiant la pagjine web https://www.posteitaliane.it/it/lavora-con-noi.html. Il candidât ideâl, laureât e cun capacitâts otimis di comunicazion e relazion, al varà di vê une cognossince otime dal pachet Office e al varà la oportunitât di jessi cjapât in percors di formazion e disvilup professionâl.
Lavorâ intal Gruppo Poste Italiane al rapresente une grande oportunitât par un zovin laureât che si prepare a jentrâ intal marcjât dal lavôr vint la oportunitât di fâ part de infrastruture plui grande di servizis in Italie presinte su dut il teritori e centrâl intal tiessût socioeconomic dal Paîs. (A.D.G.) – 13.03.2023
