Poste italiane e cîr postins

Poste Italiane intun comunicât e vise che e je vierte la ricercje inte nestre regjon di postins di assumi cun contrat a timp determinât. Par candidâsi al baste meti, dentri di lunis ai 20 di Mai, il propri curriculum su la pagjine web dal sît posteitaliane.it, inte sezion “Carriere” dedicade a “Posizioni Aperte”, indulà che a son mostrâts i recuisîts par podê vê part ae selezion.

I recuisîts che a ocorin a son il diplome di scuele medie superiôr o un diplome di lauree, ancje trienâl, la patente di vuide buine par podê doprâ i mieçs de aziende. (a.d.g.) – 17.05.2024