Prime de fin de setemane e sarà cjatade une soluzion par tornâ a vierzi la linie maritime Triest-Grau

Prime de fin di cheste setemane e sarà cjatade une soluzion par tornâ a partî cul servizi de linie maritime Triest-Grau, cumò ferme.

Lu à dit l’assessôr regjonâl aes Infrastruturis Cristina Amirante ae fin da riunion fate vuê a Pordenon indulà che a jerin presints ancje il president di Tpl Fvg Bruno Pascoli, il president di Apt Gorizia Caterina Belletti, il diretôr gjenerâl di Apt Gorizia Luca Di Benedetto e l’aministradôr delegât di Arriva Diego Regazzo.

L’incuintri al è servît par fâ il pont de situazion sul servizi cumò fer par cause dal incident de setemane passade, cuant che la motonâf e je stade a risi di lâ sot e par capî cualis che a puedin jessi lis soluzions di doprâ par tornâ a fâ tornâ la linie in vore. (a.d.g.) – 17.06.2024