Sapade, presincis in cressite e record pes vacancis di Nadâl

“I bêçs che la Regjon e à mandât a Sapade dal 2019, ven a stâi di cuant che cheste localitât e je jentrade intal Friûl-Vignesie Julie, a stan dant i risultâts sperâts”. Lu à dit l’assessôr regjonâl al Turisim Sergio Emidio Bini, che vuê di matine al jere a Sapade adun cul diretôr di PromoturismoFvg Iacopo Mestroni. “Di chê volte – al à visât Bini – o vin destinât 27,6 milions di euros, in part za spindûts, cul obietîf di svilupâ il turisim e rinfuarçâ e fâ cressi lis aziendis”.

Il pôl di Sapade par cheste stagjon al segne une cressite de int che e rive dal 2,7% pai prins ingrès a pet de stagjon passade e dal 2,6% se si fevele invezit dai passaçs sui implants. (a.d.g.) – 05.02.2025